|
|
|
 |
|
Tamboy-tamboy Agong
by: (anonymous)
A Bantoanon original
marching song. |
(Intro)
I
Tamboy tamboy agong,
Hunihuni paka.
Anak ni Lomento,
Puro sagasaga.
II
Nagsakay sa barko,
Biniray sa suba.
Ka inra destino,
Banwa it Maynila.
(repeated 3 times then fade) |
|
|
|
|
Bukir nak Bantog
by: (anonymous) |
(Intro)
I
Ingga pa baga't maraog,
Sa am' bukir nak bantog.
Maramong isra ag itlog,
Nak pulos kabubusog.
Sa utan man ay sagana,
Ginhawa ay pasawa.
Sa pangabuhi'y bugana,
It yang gui tataba. |
II
Tagabukir kami,
Nak nagkakanta't kali.
Bayay namo'y kubos,
Nak nupay api.
Bukir nak mabato,
Ugaling kawiwili.
Masadya kami adlaw ag gabi.
Higit pa reli. |
|
|
|
|
Ako'y Usang Pispis
by: (anonymous) |
(Intro)
I
Ako'y usang pispis nak makaluluoy.
Nahuyog sa pugar sa sanga it kahoy.
Tinikraga'y ragat akoy ranguy-rangoy.
Yumos sa kasakit kaluluwa'y nayuyum-oy.
II
Pagtiis ay hirap sa mga pagkapankapan.
Ka bayor ay papiliw sa habig it pangpang.
Suyog ay narugang sa ak' kahirapan.
Pispis anur-anor sa tunga it kalalawran.
III
Nio arang swerte it ak' kapalaran.
Waya't makahaw-as sa bayor it amihan.
Mga panambitan, hariin ka inang?
Bakadan it kalu-oy diling pobreng kayawasan. |
|
|
|
|
Usang Tungang Gab-i
by: (anonymous) |
(Intro)
I
Usang tungang gab-i,
Ak nag pananamgo.
Ako'y asa ragat,
Pamaroto.
II
Solo ka ak' karga,
Usang buyak kuno.
Ka kolor ay rosas,
Kabubangyo. |
III
Sa ida kabangyo,
Ako guing haruan.
Ako sinapupo,
Sa ak' rughan.
IV
Kato yaki'y anghel,
Sa langit gumikan.
Guing huyog sa ako,
Idamuan. |
|
|
|
|
Puting Baka
by: (Translation) |
(Intro)
I
Puting baka sa baguntor.
Kung nahangin ay naigor.
Kung uya hangin, sinra'y tinrog.
Putim baka, reli'y ruyog.
(repeat) |
|
|
|
|
Ramona
by: Ildefonso Musico |
(Intro)
I
Ramona, idlap it tala sa aga.
Ka buyan bihag it ing mga mata.
Ka imo katam-is, imaw't kanta't mga pispis.
Mga karahunan, imaw't hing-hing ka ing ngayan.
II
Ramona, bugtong nakong pananamgo.
Marayom nak gitaw it paghigugma.
Masilakan man yamang it hidom nimo.
Ramona, Oh! ak' palangga. |
|
|
|
|
Sa Usang Kasadyahan
by: Ildefonso Musico |
(Intro)
I
Sa usang kasadyahan,
Gab-ing tuyar't kali.
Ruto kita gui kita,
Puso ay nawili.
II
Kinang ing kagandahan,
Bihag ka ak' rughan.
'Ramong pusong sinira,
It ng ing kaganda.
Sinra ay nabibihag it imo hitsura.
Nupa'y kang Monalisa ng ing mata.
Kada tanang binata'y,
Ikaw it adhika. |
|
|
|
|
Imo pa baga Natatanraan
by: Alejandre Fortu |
(Intro)
I
Imo pa baga natatanraan,
Kag kita'y mga maintik pa?
Perming idamo sa karsada.
Ag ikaw ay guing away pa.
II
Ikaw ay nahangit, ikaw ay nalisor.
Ag ikaw ay pumalipor.
Sa yudo it kuray, mayungot sa bayay
Ag ruto ka gui tibaw. |
|
|
|
|
Melonita
by: Alejandre Fortu |
(Intro)
I
Ak' namamasran ka ruto sa trabon it Melonita.
Sa imo paglarga, yuhaan ka mata.
Nakabandana ka, bandana nak ka kolor ay puya.
Mayadoey't salida,
Ikaw't nakikita.
II
Gustong ak' asunron, ay mauno ako.
Ragat ay marayom, gab-i ay maruyom
III
Ruga'y mahilom,
Malisor sa ak' taguipusuon.
Waya't ibang hanrom,
Ikaw ay ak' sunron. |
|
|
|
|
Bantoanon Kita (New)
Lydia F. Fadriquela
This song was sung in a barrio fiesta and later performed in Calatrava by
Bantoanons who participated in a skills training program - high speed sewing. |
(Intro)
I
Banto-anon kita matugas nak tawo.
Kung baga sa yagting indig padehado.
Sa mga dayuhan aya gui pangsumay,
Tukor kita ag magpasay.
II
Kung sinray sikat sa mga kantahan.
Mga Bantoanon kina’y nahuhuman.
Aya gui kahud-an boses ma’y basag.
Li-og may hugot basta’t kita’y hupot-hupot.
Hala sigue!
(Adlib)
III
Kita ay magkanta magsadaw ag magyukbo.
Mag-eli-or kita, barbarelyo!
Uyo’y eli-ong-li-ong nak nupay lipong.
Braso’y ihabdog likor ay irukog aber ni-ong bawog.
Hala sigue !
IV
Kita ay magkanta magsadaw ag magyukbo.
Mag eli-or kita, barbarelyo!
Uyo’y eli-ong li-ong nak nupay lipong.
Aya kita'g likaw ato ipayutaw aber niong sadaw. |
|
|
|
|
|
